Një ngjarje e pazakontë dhe e frikshme ka ndodhur në qytetin e Santiagos në Kili, ku një 19-vjeçar ka pësuar lëndime pasi është goditur me forcë nga një rrotë makine e shkëputur në lëvizje.
Sipas pamjeve të kamerave të sigurisë që po bëjnë xhiron e rrjetit, rrota e automjetit është shkëputur ndërsa makina ishte në lëvizje e sipër. Pasi është përplasur me dy automjete të tjera që ndodheshin në rrugë, rrota ka dalë me shpejtësi në trotuar duke e goditur direkt të riun, i cili është rrëzuar menjëherë në tokë nga forca e goditjes.
Pamjet e këtij incidenti të rëndë janë shpërndarë me shpejtësi në rrjetet sociale, duke nxitur reagime të shumta lidhur me rrezikun e madh nga mosmirëmbajtja e mjeteve në komunikacion.
Burimi: Sinjali
