Një shaka e Jose Mourinhos ka mbetur gjatë në kujtesën e Marc Cucurellas, i cili ka treguar se si trajneri portugez reagoi pasi ai bëri tatuazh në trup portretin e përzgjedhësit të Spanjës, Luis de la Fuente.

Në një intervistë për COPE, mbrojtësi i Real Madridit rrëfeu se Mourinho i kishte dërguar një fotografi humoristike, në të cilën kishte vendosur fytyrën e tij mbi gjoksin e Cucurellas, aty ku futbollisti kishte tatuazhin, përcjell “Gazeta Express”.

“Mourinho më dërgoi një fotografi me gjoksin tim dhe fytyrën e tij të tatuazhuar”, tregoi Cucurella, duke konfirmuar njëkohësisht se nuk ka ndërmend të bëjë më tatuazhe.

Spanjolli foli edhe për raportin që ka me trajnerin e tij, duke theksuar se Mourinho është shumë më i afërt dhe më humoristik sesa mund të duket për publikun.

“Është njeri shumë i mirë, i pëlqen të flasë dhe të bëjë shaka. Megjithatë, ai është shefi dhe duhet të bëjmë atë që thotë”, u shpreh Cucurella.

Burimi: Insajderi