Messi humb kontrollin dhe godet kundërshtarin me top – të gjithë po pyesin pse nuk u ndëshkua me karton të kuq

Messi humb kontrollin dhe godet kundërshtarin me top – të gjithë po pyesin pse nuk u ndëshkua me karton të kuq

Messi humb kontrollin dhe godet kundërshtarin me top – të gjithë po pyesin pse nuk u ndëshkua me karton të kuq

Lionel Messi ka qenë në qendër të vëmendjes për një incident të pakëndshëm në humbjen e rëndë të Inter Miamit me rezultat 3-0 ndaj Columbus Crew, në ndeshjen e parë të play-offit të MLS Cup.

Sponsor 3M Express

Ylli argjentinas pati një moment nervozizmi në fund të pjesës së parë, kur goditi me top në fytyrë sulmuesin kundërshtar Gonzalo Tapia, i cili po përpiqej të pengonte ekzekutimin e rivënies anësore.

Messi, i irrituar nga veprimi i kundërshtarit, fillimisht ia shtyu topin në fytyrë Tapias, përpara se ta godiste sërish me të gjatë ekzekutimit të rivënies anësore.

Gjyqtari Allen Chapman ndëshkoi me karton të verdhë të dy futbollistët, duke mos e përjashtuar argjentinasin.

Vendimi shkaktoi reagime te kampi kundërshtar. Trajneri i Columbus Crew, Laurent Courtois, beson se Messi duhej të ndëshkohej me karton të kuq.

“Besoj se të gjithë e dinë që ai meritonte më shumë se një karton të verdhë. Është vërtet për të ardhur keq”, deklaroi Courtois.

Gjyqtari Allen Chapman më vonë e mbrojti vendimin e tij, duke shpjeguar se veprimi i Messit nuk përbënte dhunë të nivelit që do të kërkonte përjashtimin nga loja.

“Forca e përdorur ishte e papërfillshme dhe veprimi nuk arriti nivelin e sjelljes së dhunshme”, shpjegoi Chapman.

Inter Miami, që luante me një futbollist më pak që para këtij incidenti, e nisi ndeshjen keq dhe pësoi gol që në pjesën e parë, kur Gonzalo Tapia realizoi nga penalltia.

Në pjesën e dytë, Taha Habroune dyfishoi epërsinë e Columbusit, ndërsa Tapia shënoi edhe golin e dytë personal, duke vulosur fitoren 3-0.

Pas ndeshjes, trajneri i Inter Miamit, Kily Gonzalez, pranoi se skuadra e tij ishte larg paraqitjes së dëshiruar. /Telegrafi/

Lexo edhe

Kane zbulon legjendën e Realit si një nga idhujt e tij në futboll: Ajo që arriti ishte mbresëlënëse

Kane zbulon legjendën e Realit si një nga idhujt e tij në futboll: Ajo që arriti ishte mbresëlënëse

Pamje të pazakonta nga SHBA, autostrada ‘mbulohet’ nga misri

Pamje të pazakonta nga SHBA, autostrada ‘mbulohet’ nga misri

Skena shqetësuese pas triumfit të Boca Juniors, kapiteni Paredes rrëzohet para kamerave

Skena shqetësuese pas triumfit të Boca Juniors, kapiteni Paredes rrëzohet para kamerave