Merret vendimi për rrënimin e objekteve pa leje në oborrin e QKUK-së

Merret vendimi për rrënimin e objekteve pa leje në oborrin e QKUK-së

Merret vendimi për rrënimin e objekteve pa leje në oborrin e QKUK-së

Qendra Klinike Universitare e Kosovës ka përfunduar verifikimin e pronësisë së oborrit, ndërsa ka bërë me dije se së shpejti do të nisë lirimin e hapësirave të uzurpuara dhe rrënimin e objekteve pa leje.

Sponsor 3M Express

Komisioni i posaçëm i QKUK-së, i formuar në mars të këtij viti, ka verifikuar gjendjen pronësore në bashkëpunim me Drejtorinë e Kadastrit të Komunës së Prishtinës, përmes ortofotove dhe planeve kadastrale.

Sipas të dhënave kadastrale, thuhet se brenda oborrit të QKUK-së nuk figuron asnjë pronë private.

“QKUK-ja u ka dërguar dy njoftime zyrtare shfrytëzuesve të lokaleve afariste dhe kioskave, duke u kërkuar të dëshmojnë bazën ligjore për shfrytëzimin e këtyre hapësirave. Asnjëri prej tyre nuk ka paraqitur certifikatë pronësie apo dëshmi se objekti është në proces legalizimi. Ndër dokumentet e dorëzuara ka pasur kontrata të skaduara dhe aktvendime të paregjistruara në kadastër”, thuhet në njoftimin e QKUK-së.

Ky institucion thotë se ka marrë mbështetje në terren nga Inspektorati i Ministrisë së Mjedisit, Planifikimit Hapësinor dhe Infrastrukturës (MMPHI), i cili thotë se gjatë inspektimeve të ditëve të fundit i ka vërtetuar konstatimet e lartcekura.

“Me konfirmimet kadastrale dhe rekomandimet zyrtare si nga Inspektorati Komunal, ashtu edhe nga ai i MMPHI-së, menaxhmenti i QKUK-së tashmë ka në dorë të gjitha instrumentet ligjore dhe do t’i përdorë për t’ua kthyer pacientëve e qytetarëve pronën publike”, bëri me dije QKUK. /Klankosova.tv

Lexo edhe

Tre persona arrestohen në Durrës, njëri dyshohet se grabiti taksistin, dy të tjerë kapen me drogë në port

Tre persona arrestohen në Durrës, njëri dyshohet se grabiti taksistin, dy të tjerë kapen me drogë në port

Sali Berisha me akuza të rënda: Rama dhe Balluku e duan të vdekur Erion Veliajn

Sali Berisha me akuza të rënda: Rama dhe Balluku e duan të vdekur Erion Veliajn

Muhamet Hasani pas lirimit nga akuzat: “Kërkova vetëm drejtësi dhe sot e mora atë!”

Muhamet Hasani pas lirimit nga akuzat: “Kërkova vetëm drejtësi dhe sot e mora atë!”