Liverpooli e turpëron Manchester Unitedin në debutimin e Pochettinos

Liverpooli e turpëron Manchester Unitedin në debutimin e Pochettinos

Liverpooli e turpëron Manchester Unitedin në debutimin e Pochettinos

Skuadra vendase e nisi ndeshjen me ritëm të lartë dhe kaloi në epërsi që në minutat e para. Dominik Szoboszlai shënoi nga gjuajtja e lirë, duke e dërguar topin në këndin e poshtëm të portës së Senne Lammens.

Situata u përkeqësua edhe më shumë për mysafirët pas përjashtimit me karton të kuq të Leny Yoros, i cili shkaktoi një ndërhyrje të palejuar ndaj Alexander Isakut, duke e lënë Manchester Unitedin me një lojtar më pak.

Sponsor 3M Express

Liverpooli shfrytëzoi menjëherë epërsinë numerike dhe vetëm pak minuta më vonë e dyfishoi rezultatin. Florian Wirtz realizoi pas një asistimi të Rio Ngumohas, duke e dërguar topin në rrjetë pas goditjes së tij që përfundoi në traversë.

Në vazhdim, vendasit vazhduan dominimin, ndërsa Isak pati disa mundësi për ta thelluar epërsinë. Portieri Lammens ishte ndër lojtarët më të angazhuar të Unitedit, duke shmangur disa gola të tjerë.

Megjithatë, Liverpooli arriti të shënonte edhe dy herë të tjera. Fillimisht, Rio Ngumoha realizoi pas një aksioni të shpejtë, ndërsa Victor Munoz vulosi fitoren 4-0 pas një asistimi të shkëlqyer nga Wirtz.

Kjo ishte një goditje e rëndë për Pochettinon, i cili e nisi aventurën te Manchester Unitedi me një humbje të thellë në një nga rivalitetet më të mëdha të futbollit anglez.

Përveç humbjes, shqetësim i madh për trajnerin argjentinas mbetet edhe pozita e skuadrës në tabelë. Manchester Unitedi renditet në vendin e 19-të, me vetëm një fitore në kampionat gjatë këtij sezoni, ndërsa gjendet tri pikë më keq sesa në të njëjtën fazë të sezonit 1973/74, kur përjetoi rënien nga liga.

Burimi: RTKLive

Lexo edhe

Kujtimi emocionues i Endrit Thaçit me babain pranë

Kujtimi emocionues i Endrit Thaçit me babain pranë

Trepça mposht Bashkimin në derbin e kësaj fundjave

Trepça mposht Bashkimin në derbin e kësaj fundjave

Paralajmërimet që Lojërat Mesdhetare mund të dështojnë se zmbrapsin Komunën nga “Ulpiana 2030”

Paralajmërimet që Lojërat Mesdhetare mund të dështojnë se zmbrapsin Komunën nga “Ulpiana 2030”