LEX | Cisterna me ujë të deklaruara si naftë – ndërpritet seanca fillestare që mbrojtja të pajiset me shkresat e lëndës

LEX | Cisterna me ujë të deklaruara si naftë – ndërpritet seanca fillestare që mbrojtja të pajiset me shkresat e lëndës

LEX | Cisterna me ujë të deklaruara si naftë – ndërpritet seanca fillestare që mbrojtja të pajiset me shkresat e lëndës

Në Gjykatën Themelore në Prishtinë është ndërprerë seanca fillestare në rastin për kontrabandë të derivateve, shpëlarje parash dhe shmangie nga tatimi, për t’i mundësuar mbrojtjes të pajiset me shkresat e lëndës.

Sponsor 3M Express

Rasti u bë publik më 1 korrik 2026, kur në një aksion të Prokurorisë Speciale u arrestuan nëntë persona.

Sipas dosjes së Prokurorisë Speciale, një pjesë e naftës dyshohet se shitej në Shqipëri, ndërsa cisternat hynin në Kosovë me ujë dhe me më pak naftë sesa deklarohej në dokumentet e importit. Prokuroria pretendon se për këto ngarkesa lëshoheshin fatura fiktive të shitjes së derivateve.

Prokuroria dyshon se skema drejtohej nga Faruk Mazrek, i njohur më parë si Faik Mazreku, dhe se në të ishte përfshirë edhe djali i tij, Fariz Mazrek. Sipas dosjes, biznesi “PO PETROLL FARIZ” në Mamushë dyshohet se është përdorur për të paraqitur si të ardhura nga shitja e karburanteve para që, sipas Prokurorisë, buronin nga trafikimi i narkotikëve.

Organi i akuzës pretendon gjithashtu se ishin marrë katër kredi në vlerë të përgjithshme prej 930 mijë eurosh për të justifikuar qarkullimin e deklaruar të biznesit.

Në aksionin e korrikut, përveç Faruk dhe Fariz Mazrekut, u arrestuan edhe Skender Kelmendi, Nisret Bajraktari, Dashnim Miftari, Adem Morina, Muhamet Mazrek, Naser Morina dhe Gazmen Quni. Sipas dosjes, dyshimet për rolet e tyre lidhen me faturimin, deklarimin e importeve, transportin dhe ndërhyrjet në cisterna.

Shënim: Personat e apostrofuar në këtë artikull prezumohen të pafajshëm derisa fajësia e tyre të vërtetohet me aktgjykim të formës së prerë.

Sinjali – aty ku e vërteta flet para lajmit!

Burimi: Sinjali

Lexo edhe

“Kjo është politikë, nuk është drejtësi”, Thaçi reagon pas dënimit të dytë nga Haga

“Kjo është politikë, nuk është drejtësi”, Thaçi reagon pas dënimit të dytë nga Haga

“Jo në emrin tim” organizon aksion simbolik para zyrës së BE-së në Prishtinë

“Jo në emrin tim” organizon aksion simbolik para zyrës së BE-së në Prishtinë

Modeli zviceran i kujdesit në shtëpi shtrihet në 150 qendra shëndetësore  në Shqipëri

Modeli zviceran i kujdesit në shtëpi shtrihet në 150 qendra shëndetësore  në Shqipëri