Kosova me sistem të ri të pagesave, transferet bankare do të kryhen brenda sekondave

Kosova me sistem të ri të pagesave, transferet bankare do të kryhen brenda sekondave

Kosova me sistem të ri të pagesave, transferet bankare do të kryhen brenda sekondave

Transferet e parave ndërmjet llogarive bankare në Kosovë do të mund të realizohen brenda pak sekondash, në çdo kohë të ditës dhe pa kufizime gjatë fundjavave apo festave, përmes sistemit të ri të pagesave të shpejta, i cili u prezantua të premten nga Banka Qendrore e Kosovës (BQK).

Sponsor 3M Express

Sipas BQK-së, sistemi TIPS-K do të nisë funksionimin më 23 nëntor, fillimisht në katër banka komerciale që tashmë kanë përfunduar përgatitjet teknike. Nga shkurti i vitit të ardhshëm, shërbimi pritet të jetë i disponueshëm në të gjitha bankat që operojnë në Kosovë.

Guvernatori i BQK-së, Ahmet Ismaili, e cilësoi sistemin e ri si investim strategjik në infrastrukturën financiare të vendit, i cili synon të lehtësojë pagesat dhe të krijojë mundësi për zhvillimin e shërbimeve të reja për qytetarët dhe bizneset.

Në ceremoninë e prezantimit mori pjesë edhe kryeministri i Kosovës, Albin Kurti, i cili e vlerësoi këtë zhvillim si hap drejt modernizimit të sistemit financiar dhe përafrimit të tij me standardet evropiane. Ai e ndërlidhi funksionalizimin e TIPS-K edhe me përpjekjet e Kosovës për integrim në sistemin evropian të pagesave, veçanërisht me synimin për anëtarësim në Zonën e Vetme të Pagesave në Euro (SEPA).

TIPS-K (TIPS Clone Kosovo) është sistemi i ri i pagesave të shpejta në Kosovë, i zhvilluar sipas modelit evropian TIPS (TARGET Instant Payment Settlement), i cili mundëson realizimin e transfereve brenda pak sekondash.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Plani i Rritjes i BE-së, në fokus të mbledhjes së Komitetit Zbatues

Plani i Rritjes i BE-së, në fokus të mbledhjes së Komitetit Zbatues

IKShPK bën thirrje për vaksinimin e fëmijëve kundër fruthit: Mund të shkaktojë komplikime serioze, madje edhe vdekje

IKShPK bën thirrje për vaksinimin e fëmijëve kundër fruthit: Mund të shkaktojë komplikime serioze, madje edhe vdekje

S`gabon Prishtina, mposht Drenicën

S`gabon Prishtina, mposht Drenicën