Komandanti i KFOR-it në Tiranë: Po vazhdojmë optimizimin e forcave, procesi mund të kthehet prapa nëse rrezikohet siguria

Komandanti i KFOR-it në Tiranë: Po vazhdojmë optimizimin e forcave, procesi mund të kthehet prapa nëse rrezikohet siguria

Komandanti i KFOR-it në Tiranë: Po vazhdojmë optimizimin e forcave, procesi mund të kthehet prapa nëse rrezikohet siguria

Komandanti i misionit të KFOR-it në Kosovë, Roberto Vergori, ka informuar përfaqësuesit e vendeve anëtare të Iniciativës për Bashkëpunim në Mbrojtje (DECI) lidhur me situatën aktuale të sigurisë në Kosovë dhe rolin e misionit të NATO-s në ruajtjen e stabilitetit rajonal.

Sponsor 3M Express

Takimi u zhvillua më 20 nëntor në Tiranë, në kuadër të Takimit të 14-të të Shefave të Mbrojtjes të DECI-t, njofton Klankosova.tv.

Sipas njoftimit të KFOR-it, Vergori prezantoi aktivitetet e përditshme të misionit dhe prioritetet e tij operacionale, duke theksuar se KFOR-i po vazhdon të optimizojë pozicionimin e forcave për t’iu përshtatur nevojave të sigurisë.

Ai sqaroi se ky proces është gradual dhe i bazuar në kushte, ndërsa mund të përmbyset në rast se zhvillimet e sigurisë në Kosovë ose në rajon e bëjnë të nevojshme një gjë të tillë.

Njoftimi i plotë:

Në takimin e 14-të të Shefave të Mbrojtjes të Nismës për Bashkëpunim në Mbrojtje (DECI), i mbajtur sot (20 nëntor 2026) në Tiranë të Shqipërisë, komandanti i misionit të KFOR-it të udhëhequr nga NATO, gjeneralmajor Roberto Vergori, i informoi anëtarët e DECI-t për rolin e misionit në promovimin e sigurisë dhe stabilitetit rajonal.

Komandanti i KFOR-it prezantoi një pasqyrë të situatës aktuale të sigurisë në Kosovë, si dhe të aktiviteteve të përditshme të misionit, duke theksuar se ato bazohen në prioritetet e tij të ripërtërira operacionale.

Ai bëri të ditur se KFOR-i vazhdon të optimizojë pozicionimin e forcave të tij, me qëllim që të sigurojë se ato mbeten të përshtatshme për përmbushjen e misionit. Ai shtoi se ky proces është gradual dhe varet nga kushtet në terren, si dhe mund të kthehet prapa nëse zhvillimet e caktuara rrezikojnë sigurinë e qëndrueshme në Kosovë dhe stabilitetin rajonal.

Gjeneralmajor Vergori ritheksoi se KFOR-i është i përqendruar plotësisht në zbatimin e mandatit të tij afatgjatë të Kombeve të Bashkuara, bazuar në Rezolutën 1244 të Këshillit të Sigurimit të OKB-së të vitit 1999.

Ai theksoi se misioni kontribuon në ruajtjen e një mjedisi të sigurt dhe të qetë për të gjithë njerëzit që jetojnë në Kosovë, si dhe në garantimin e lirisë së lëvizjes, në mënyrë të paanshme dhe në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), të cilat veprojnë në kuadër të përgjegjësive të tyre përkatëse si reagues të sigurisë.

E themeluar në vitin 2012, nën udhëheqjen e Italisë, Nisma për Bashkëpunim në Mbrojtje (DECI) është një mekanizëm rajonal për bashkëpunim strategjik dhe ushtarak ndërmjet vendeve të rajonit të Adriatikut dhe Ballkanit Perëndimor.

Ajo ofron një platformë për diskutimin e sfidave të përbashkëta të sigurisë, forcimin e bashkëpunimit dhe promovimin e qasjeve të përbashkëta në mbështetje të stabilitetit rajonal.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Estonia mbyll 5 pikat kufitare me Rusinë

Estonia mbyll 5 pikat kufitare me Rusinë

Heshtja e institucioneve për incidentin në FSK, Ibishi: Të hetohet ku ishte problemi (VIDEO)

Heshtja e institucioneve për incidentin në FSK, Ibishi: Të hetohet ku ishte problemi (VIDEO)

20 vjet dhunë nga burri, i cili e nxiti të birin ta therte nënën (VIDEO)

20 vjet dhunë nga burri, i cili e nxiti të birin ta therte nënën (VIDEO)

Komandanti i KFOR-it në Tiranë: Po vazhdojmë optimizimin e forcave, procesi mund të kthehet prapa nëse rrezikohet siguria | Momenti