Ushtarët kroatë të caktuar në Komandën Rajonale-Perëndim (RC-W), në kuadër të misionit të KFOR-it të udhëhequr nga NATO, po vazhdojnë të zhvillojnë patrulla të rregullta në të gjithë territorin e Kosovës.
Përmes një njoftimi në Facebook, KFOR-i ka bërë të ditur se këto aktivitete përfshijnë edhe komunën e Gjakovës, ku synohet ruajtja e një pranie të qëndrueshme dhe të dukshme në terren.
Sipas KFOR-it, misioni mbetet i gatshëm për t’iu përgjigjur çdo zhvillimi të sigurisë, ndërsa përshtat qëndrimin e tij në bazë të situatës në terren dhe nevojave operacionale.
KFOR-i ka theksuar se procesi i optimizimit të pranisë së tij po zbatohet gradualisht dhe në bazë të kushteve të sigurisë, duke mbetur i kthyeshëm në rast se zhvillimet e kërkojnë një gjë të tillë.
Sinjali – aty ku e vërteta flet para lajmit!
Burimi: Sinjali
