Një incident është raportuar se ka ndodhur në objektin e Ministrisë së Ekonomisë.

Rasti që është denoncuar si kanosje, ka aktivizuar menjëherë Policinë, me ç’rast një person është shoqëruar në Polici.

Për këtë ngjarje, nga Policia e Kosovës e kanë konfirmuar se janë duke ndërmarrë veprimet e nevojshme.

 “Sot, rreth orës 12:00, Policia ka pranuar informatën për një rast të kanosjes në objektin e Ministrisë së Ekonomisë.

Njësitet policore kanë reaguar menjëherë dhe kanë dalë në vendin e ngjarjes, ndërsa lidhur me rastin një person është shoqëruar në stacion policor.

Njësitet relevante janë duke ndërmarrë veprimet e nevojshme hetimore për sqarimin e plotë të rrethanave të rastit”.