HUNTER në ajër, TOYCA-05 në tokë – Turqia demonstron fuqinë e dronëve të rinj,

HUNTER në ajër, TOYCA-05 në tokë – Turqia demonstron fuqinë e dronëve të rinj,

HUNTER në ajër, TOYCA-05 në tokë – Turqia demonstron fuqinë e dronëve të rinj,

Kompania turke e mbrojtjes Skydagger ka demonstruar aftësitë e dy sistemeve të saj të reja pa pilot, dronit përgjues HUNTER dhe municionit fluturues TOYCA-05, gjatë aktivitetit ajror Sky Show 2026 në Turqi.

Sponsor 3M Express

Sipas kompanisë, gjatë demonstrimit droni HUNTER arriti të identifikonte dhe të shkatërronte një objektiv ajror, ndërsa TOYCA-05 realizoi një goditje të drejtpërdrejtë ndaj një objektivi në tokë.

Në demonstrimin e publikuar përmes një videoje, HUNTER u drejtua drejt objektivit duke përdorur të dhënat e radarit AURA 200-G, të prodhuar nga kompania turke ASELSAN. Faza përfundimtare e përgjimit u krye me drejtim manual nga operatori.

HUNTER është projektuar për të neutralizuar dronët kundërshtarë. Ai mund të arrijë shpejtësi deri në 300 kilometra në orë, ka rreze veprimi prej rreth 20 kilometrash dhe mund të qëndrojë në ajër për afërsisht dhjetë minuta.

Ndërkohë, municioni fluturues TOYCA-05, i cili lëshohet nga një katapultë, realizoi një zhytje autonome drejt objektivit dhe, sipas Skydagger, e goditi atë drejtpërdrejt.

Ky sistem ka rreze veprimi prej 70 kilometrash dhe mund të mbajë një kokë luftarake me peshë prej pesë kilogramësh.

Skydagger, e themeluar në vitin 2024, pretendon se deri më tani ka dorëzuar 75 mijë dronë kamikazë në më shumë se 30 shtete. Kompania ka njoftuar gjithashtu se kapaciteti i saj vjetor i prodhimit ka arritur në 150 mijë deri në 160 mijë njësi.

Dronët përgjues dhe municionet fluturuese po marrin rëndësi gjithnjë e më të madhe në industrinë ushtarake, pasi ofrojnë alternativa më ekonomike për neutralizimin e kërcënimeve ajrore, veçanërisht të dronëve me kosto të ulët. /Telegrafi/

Lexo edhe

Kurti i bën thirrje Zelenskyt ta njohë Kosovën: Kështu do të demaskohej blofi i Putinit

Kurti i bën thirrje Zelenskyt ta njohë Kosovën: Kështu do të demaskohej blofi i Putinit

Kurti i bën thirrje Zelenskyt ta njohë Kosovën: Kështu do të demaskohej blofi i Putinit

Kurti i bën thirrje Zelenskyt ta njohë Kosovën: Kështu do të demaskohej blofi i Putinit

Shiroka Pula në Samitin e Filantropisë: Shërbimi ndaj të tjerëve forcon shoqërinë

Shiroka Pula në Samitin e Filantropisë: Shërbimi ndaj të tjerëve forcon shoqërinë

HUNTER në ajër, TOYCA-05 në tokë – Turqia demonstron fuqinë e dronëve të rinj, | Momenti