Ish-kryetari i AAK-së, Ramush Haradinaj, ka deklaruar se mbrojtja e Ushtrisë Çlirimtare të Kosovës (UÇK) duhet të jetë e vazhdueshme, pasi, sipas tij, lidhet drejtpërdrejt me sigurinë kombëtare dhe lirinë e vendit, raporton Ekonomia Online.
Haradinaj tha se siguria kombëtare e Kosovës buron nga vlerat e lirisë dhe nga lidhja e UÇK-së me Shtetet e Bashkuara të Amerikës dhe NATO-n.
“Siguria jonë kombëtare buron nga vlerat e lirisë, nga UÇK-ja, e cila është e lidhur ngushtë me Amerikën dhe NATO-n. Pak a shumë ky është filli, deri te liria. Ne, në vazhdimësi, pra jo vetëm kur rrezikohet UÇK-ja, ose të themelet e lirisë, por ne në vazhdimësi duhet të jemi mbrojtje të UÇK-së. Jo për shkak të atyre që janë gjallë sot, ose që kanë qenë dikur në udhëheqje të UÇK-së, por për shkak të vetë të sigurisë tonë kombëtare”, tha ai.
Ai theksoi se, sipas tij, rrezikimi i UÇK-së, qoftë nga faktorë të jashtëm apo nga gabimet e brendshme, paraqet njëkohësisht rrezik për sigurinë kombëtare dhe lirinë e Kosovës.
“Kur rrezikohet UÇK-ja, qoftë nga armiqtë e jashtëm, apo nga gabimet tona, ta dini që rrezikojmë sigurinë kombëtare, pra lirinë tonë. Veprimet janë shumë të vona, po kuptohet, për punë të mira, edhe i japim mbështetje, çdo angazhim në mbështetje të udhëheqjes të udhëheqjes të ushtrisë shëmtare të Kosovës”, tha ai.
Sinjali – aty ku e vërteta flet para lajmit!
The post Haradinaj: Kur rrezikohet UÇK-ja, rrezikohet edhe siguria kombëtare appeared first on Sinjali.
Burimi: Sinjali
