“Familjet e varfra po hyjnë në borxhe”, Tahiri i kërkon Kurtit ta ndryshojë strategjinë për rrymën

“Familjet e varfra po hyjnë në borxhe”, Tahiri i kërkon Kurtit ta ndryshojë strategjinë për rrymën

“Familjet e varfra po hyjnë në borxhe”, Tahiri i kërkon Kurtit ta ndryshojë strategjinë për rrymën

Deputeti i Aleancës, Besnik Tahiri, ka ngritur shqetësimin në Kuvend lidhur me ndërprerjet e energjisë elektrike në vend gjatë ditëve të fundit.

Sponsor 3M Express

Tahiri tha se mungesa e rrymës po ua vështirëson jetën qytetarëve të Kosovës dhe po i detyron familjet e varfra të hyjnë në borxhe për t’i mbuluar faturat, transmeton Klankosova.tv.

“Mungesa e energjisë elektrike me orë të tëra, kryesisht në lokacione dhe vendbanime rurale, mirëpo mbrëmë edhe në kryeqytet, në Prishtinë, si dhe në qytete të tjera, realisht është duke e vështirësuar jetën e qytetarëve të Kosovës në maksimum, duke i detyruar familjet e varfra që të hyjnë edhe në borxhe për të mundur ta paguajnë çmimin e energjisë elektrike”, tha ai.

Tahiri kërkoi nga Qeveria që ta ndryshojë strategjinë për investimet në sektorin e energjisë, duke përmendur rritjen e çmimeve dhe zhvillimet globale.

“Kërkoj nga kryeministri që urgjentisht të nominojë një ekip qeveritar që e ndryshon planin për investime energjetike, për shkak se ju vetë po thoni se bota ka ndryshuar, po thoni që çmimet janë problem global, jo lokal”, u shpreh ai.

Ai i bëri thirrje kryeministrit Albin Kurti që të shfrytëzojë pasurinë nëntokësore të Kosovës dhe të investojë në rinovimin e termocentraleve.

“Andaj, kërkesa jonë, zoti kryeministër, është të ndërtojmë një rast të quajtur ‘The Case of Kosova’, që do të ishte ‘The Case of Kosova 2027-2037’, për t’i kthyer burimet dhe për t’i përdorur kapacitetet që vetë i ke përmendur në fushatë. Kosova është në terr, sepse me të vërtetë kemi probleme globale. Po e pranojmë se Ngushtica e Hormuzit, energjia, nafta dhe të gjitha këto janë probleme thelbësore”, shtoi ai. /Klankosova.tv

Lexo edhe

128 franga për 15 minuta në taksi, çmimet marramendëse në Cyrih shkaktojnë reagime

128 franga për 15 minuta në taksi, çmimet marramendëse në Cyrih shkaktojnë reagime

Pastori nga Florida shpallet fajtor për përfshirje në vrasjen e presidentit të Haitit

Pastori nga Florida shpallet fajtor për përfshirje në vrasjen e presidentit të Haitit

Pas Gulerit, Real Madridi blindon edhe një yll të ekipit me kontratë afatgjatë

Pas Gulerit, Real Madridi blindon edhe një yll të ekipit me kontratë afatgjatë