Policia e Kosovës ka identifikuar një person të dyshuar për dhunë në familje në Ferizaj, pasi në rrjetet sociale ishte publikuar një video-incizim në të cilin dëgjohej një person duke bërtitur.
Sipas njoftimit të Policisë, rasti është raportuar më 19 tetor 2026, rreth orës 19:50, kur zyrtarët policorë kanë pranuar informatë për videon që po qarkullonte në rrjetet sociale.
Njësitë reaguese kanë identifikuar lokacionin në rrugën “Remzi Hoxha” në Ferizaj, ku kanë shoqëruar në stacionin policor një person 36-vjeçar, për intervistim dhe sqarimin e rrethanave.
Për rastin është njoftuar prokurori i shtetit, i cili ka autorizuar hetuesit e dhunës në familje që të ndërmarrin veprimet e nevojshme për sqarimin e plotë të rastit.
Sinjali – aty ku e vërteta flet para lajmit!
The post Dyshime për dhunë në familje në Ferizaj, Policia nis hetimet pas një videoje appeared first on Sinjali.
Burimi: Sinjali
