Producenti amerikan i muzikës, DJ Khaled, zbuloi se ka humbur rreth 40 kilogramë gjatë vitit të kaluar, një vendim që e mori pasi nuk mundi të ngrihej në këmbë gjatë një performance.

Siç i tha ai revistës People në një intervistë, përpara se ta merrte seriozisht shëndetin e tij, peshonte midis 134 dhe 136 kilogramë. Pika e kthesës erdhi në tetor të vitit të kaluar, gjatë një koncerti.

“Ka një pjesë të performancës sime ku gjunjëzohem dhe them faleminderit, tregoj mirënjohjen time”, tha Khaled. Pastaj, siç thotë ai, nuk mund të ngrihej lehtë në këmbë dhe miqtë e tij më vonë i thanë se po merrte frymë me vështirësi.

Khaled thotë se më parë bënte ushtrime fizike dhe përpiqej të ushqehej më shëndetshëm, por kishte nevojë për më shumë ndihmë. Pasi u konsultua me një mjek, ai filloi të përdorte Wegovy, një ilaç për humbje peshe nga grupi GLP-1, të cilit ia atribuon 34 kilogramët që humbi vitin e kaluar.

Ai e quajti planin e tij “Ecje, Golf dhe Wegovy”. Ai luan golf deri në gjashtë herë në javë, mbulon të 18 vrimat në këmbë në vend që të përdorë karrocë dhe bën më shumë se 10,000 hapa në ditë.

“Jam shumë më i shëndetshëm. Kam më shumë energji. Jam më i motivuar për gjithçka”, tha Khaled.

Pika e kthesës erdhi në tetor të vitit të kaluar, gjatë një koncerti. Ai shtoi se mjeku i tij i kishte thënë më parë se ishte i shëndetshëm pavarësisht peshës së tij, por tani thotë se duhet të studiohet për të parë se sa i shëndetshëm është. Ai përmendi djemtë e tij si motivimin për ndryshimin.

“Ne jetojmë për fëmijët tanë dhe fëmijët tanë na bëjnë të jetojmë”, tha ai. Qëllimi i tij, thotë ai, është të ulë peshën deri në 91 kilogramë.

Khaled ka vite që lufton me peshën e tepërt. Në fillim të vitit 2018, ai u bë ambasador i programit Weight Watchers, dhe në fillim të vitit 2019, njoftoi se kishte arritur qëllimin e tij prej 113 kilogramësh nga 133 kilogramë. /Telegrafi.

Burimi: Insajderi