Igor Dashkovski Stojanovski, i akuzuar për djegien e automjeteve diplomatike përpara Ambasadës Bullgare, u dënua me tetë muaj burg. Duke pasur parasysh se ai ka qenë në paraburgim që nga qershori, ai ka ende disa muaj burg dhe duhet t’i paguajë ambasadës rreth 3.300 euro dëmshpërblim.

“Ju dënoj me tetë muaj burg në përputhje me nenin 47, paragrafi 1 i Kodit Penal, koha e kaluar në paraburgim llogaritet gjithashtu nga data 15.06.2026”, tha gjykatësi, përcjell “Sloboden Peçat”.
Duke pasur parasysh se ai u deklarua fajtor, në gjyq nuk u paraqitën prova dhe nuk u zbulua asnjë motiv. Avokatja e të akuzuarit tha se ishte e kënaqur me vendimin.
I akuzuari për zjarrvënien e dy automjeteve diplomatike në Ambasadën Bullgare në Shkup u deklarua fajtor për krimin që kreu më 15 qershor të këtij viti.
“Ndihem fajtor dhe e pranoj plotësisht fajin tim. E mora vetë vendimin”, i tha i akuzuari në gjykatë./Telegrafi/





