Në aksidentin tragjik që ndodhi ditën e djeshme në zonën e Bahçallëkut, në Shkodër, humbi jetën një 67-vjeçare, pasi u përplas nga një automjet teksa po ecte në trotuar.

Pamjet e siguruara nga Top Channel, tregojnë momentin e rëndë kur makina del nga rruga dhe godet këmbësoren.

Policia ka identifikuar si drejtuese të automjetit një 27-vjeçare, ndërsa grupi hetimor po punon për zbardhjen e plotë të rrethanave të aksidentit.