Kombëtarja e Belgjikës ka marrë tri pikë të rëndësishme në Ligën e Kombeve, pasi ka triumfuar 1:2 në udhëtim ndaj Turqisë, në një ndeshje ku arriti ta përmbysë rezultatin që në pjesën e parë.

Ishin turqit ata që kaluan të parët në epërsi. Ylli i Real Madridit, Arda Güler, shënoi në minutën e 20-të për 1:0.

Megjithatë, belgët reaguan shpejt. Kevin De Bruyne barazoi rezultatin në minutën e 27-të, ndërsa vetëm tri minuta më vonë, Charles De Ketelaere realizoi golin e përmbysjes për 1:2.

Kështu, Belgjika arriti ta përmbysë rezultatin brenda pjesës së parë dhe në pushim shkoi me epërsi.

Në 45 minutat e dyta, Turqia u përpoq të rikthehej në lojë, por belgët u treguan të kujdesshëm dhe arritën ta ruajnë avantazhin deri në vërshëllimën e fundit.

Me këtë fitore, Belgjika arkëton tri pikë të rëndësishme në Ligën e Kombeve, ndërsa Turqia mbetet pa pikë në këtë përballje.

Burimi: Insajderi