Policia e Kosovës ka bërë të ditur se ka arrestuar një shtetas të Serbisë, pasi i njëjti duke kaluar në pikën kufitare, bashkë me pasaportën ka ofruar mito zyrtarit policor.

Rasti ka ndodhur në pikën kufitare Qafë Prush, të premten në ora 00:30.
“SPK Qafë Prush 20.11.2026 – 00:30. Është arrestuar një i dyshuar mashkull shtetas i Serbisë, i cili duke kaluar në pikën kufitare, bashkë me pasaportën ka ofruar mito zyrtarit policor”, thuhet në raport.
Është konsultuar prokurori dhe me vendim të tij i dyshuari është dërguar në mbajtje. /Telegrafi/




