Agim Ademi: Duam fitore, është koha të jemi pjesë e një gare të madhe (VIDEO)

Agim Ademi: Duam fitore, është koha të jemi pjesë e një gare të madhe (VIDEO)

Agim Ademi: Duam fitore, është koha të jemi pjesë e një gare të madhe (VIDEO)

Kryetari i FFK-së, Agim Ademi, ka thënë se nga kombëtarja e Kosovës pret fitore për të qenë pjesë e një gare të madhe.

Sponsor 3M Express

Në Klan Kosova, nga Irlanda ai tha se ndeshja kundër Irlandës është shumë e rëndësishme për shkak se varet edhe pozicionimi në grup.

“Është një ndeshje e rëndësishme, e fundit e këtij kompeticioni. Është e rëndësishme sepse varet edhe plasmani i këtij grupi, por edhe i kësaj gare. Nëse ne sot fitojmë ose barazojmë, do të ishte shumë mirë për të qenë në play-off. Por, një gjë e kemi të sigurt se do të jemi sërish në këtë ligë”, deklaroi Ademi.

Ai tha se e do sfidën që Kosova e ka përballë tani.

Kreu i FFK-së tha se kundërshtari është shumë i fortë, gjë të cilën, sipas tij, e ka treguar edhe në këtë garë.

“Gjithsesi, ne e kemi një fitore në Prishtinë dhe shpresoj që ta kemi edhe fatin me vete, sepse këtu varet… secili ekip e do vendin e vet në këtë kompeticion, pra vendin e dytë për play-offin kualifikues, dhe ata vetëm fitorja i çon atje. Edhe ne i kemi objektivat tona, dhe presim së paku, e fundit krejt, një barazim”, u shpreh kryetari i Federatës, Agim Ademi.

Ai tha se pret që sot lojtarët të japin maksimumin.

Ndër të tjera, Ademi tha se për ndeshjet tjera që Kosova i ka në mars, pritet të ketë prurje të reja në mesin e lojtarëve të rinj.

“Nga ky moment, nga ky grup i futbollistëve do të krijohet ekipi për garat më të rëndësishme për ne me qenë në Evropianin e ardhshëm, dhe sigurisht që, nëse gjithçka shkon mirë, shpresoj që Kosovës i ka ardhur koha të jetë në një garë të tillë fitimtare”, tha Agim Ademi në një prononcim për Klan Kosova.

Në fund, ai i falënderoi edhe tifozët që kanë udhëtuar në Irlandë për të mbështetur kombëtaren dardane.

Kosova sonte nga ora 20:45 përballet me Irlandën, në ndeshjen e fundit të kësaj gare të Ligës B të Kombeve, dhe të cilën mund ta ndiqni ekskluzivisht direkt në Klan Kosova. /Klankosova.tv

Lexo edhe

Neville zbulon gjashtë lojtarët që Pochettino duhet t’i largojë nga Manchester Unitedi

Neville zbulon gjashtë lojtarët që Pochettino duhet t’i largojë nga Manchester Unitedi

“Drenica meriton shumë, ëndrra ime është ta dërgojmë në Evropë” – zëvendëspresidenti flet për objektivat në klubin kuqezi

“Drenica meriton shumë, ëndrra ime është ta dërgojmë në Evropë” – zëvendëspresidenti flet për objektivat në klubin kuqezi

Kosova synon t’ia ndërpresë Irlandës serinë prej 11 ndeshjesh pa humbje në shtëpi

Kosova synon t’ia ndërpresë Irlandës serinë prej 11 ndeshjesh pa humbje në shtëpi