Zyra e Kryeministrit ka pranuar raportet e hollësishme nga Ministria e Drejtësisë dhe Ministria e Punëve të Brendshme lidhur me rastin e Arlinda Zekajt.
Sipas njoftimit, raportet do të shqyrtohen dhe analizohen në detaje, së bashku me ministrat përkatës, për të vlerësuar rrjedhën e rastit, lëshimet e mundshme, trajtimin e papërgjegjshëm, neglizhencën dhe mosreagimin institucional.
Në njoftim theksohet se do të analizohet gjithçka që lidhet me procedurat e ndjekura dhe përgjegjësinë institucionale në këtë rast.
Ndërkohë, zëvendëskryeministrja dhe ministrja e Drejtësisë, Donika Gërvalla Schwarz, dhe ministri i Punëve të Brendshme, Xhelal Sveçla, do të mbajnë nesër konferencë të përbashkët për media.
Konferenca është paralajmëruar të mbahet në orën 09:00, në objektin e Zyrës së Kryeministrit.
Sinjali – aty ku e vërteta flet para lajmit!
Burimi: Sinjali
