Zelensky: Inteligjenca tregon se Rusia po planifikon sulme të mëdha gjatë natës

Zelensky: Inteligjenca tregon se Rusia po planifikon sulme të mëdha gjatë natës

Zelensky: Inteligjenca tregon se Rusia po planifikon sulme të mëdha gjatë natës

Presidenti ukrainas, Volodymyr Zelensky, ka paralajmëruar se Rusia po planifikon sulme të mëdha ndaj Ukrainës gjatë natës së sotme dhe ditës së nesërme.

Sponsor 3M Express

Në fjalimin e tij të përnatshëm, Zelensky iu referua informacioneve të inteligjencës ukrainase, të cilat, sipas tij, tregojnë për përgatitjen e sulmeve të reja ruse.

Ai pretendoi gjithashtu se inteligjenca ka të dhëna se Koreja e Veriut po i furnizon Rusisë raketa shtesë balistike dhe po ndihmon në përmirësimin e kapaciteteve të saj ushtarake.

“Kjo është një kërcënim serioz jo vetëm për Ukrainën. Koreja e Veriut po i përmirëson raketat e saj balistike duke i përdorur ato në këtë luftë”, deklaroi Zelensky.

Ai paralajmëroi se ky zhvillim krijon sfida shtesë edhe për rajonin përreth Koresë, si dhe për Evropën, transmeton Telegrafi.

Ndërkohë, presidenti ukrainas bëri të ditur se janë zhvilluar bisedime të reja online me të dërguarit e presidentit amerikan Donald Trump, Steve Witkoff dhe Jared Kushner, si dhe me përfaqësues evropianë, lidhur me mundësitë për t’i dhënë fund luftës.

Kushner tha se po shënohet përparim drejt arritjes së një marrëveshjeje të mundshme. Ai konfirmoi gjithashtu se së bashku me Witkoffin kishte zhvilluar më herët bisedë me Yuri Ushakovin, këshilltar të Kremlinit. /Telegrafi/

Lexo edhe

Spitali i Gjakovës jep detaje për gjendjen e të plagosurit

Spitali i Gjakovës jep detaje për gjendjen e të plagosurit

Pacientja me fibrozë cistike letër Arben Vitisë: Ministër, sëmundja nuk pret

Pacientja me fibrozë cistike letër Arben Vitisë: Ministër, sëmundja nuk pret

Tensione në shtëpinë e BBVK5, ndryshon rrjedha e lojës

Tensione në shtëpinë e BBVK5, ndryshon rrjedha e lojës