Policia e Kosovës ka njoftuar për një rast të vrasjes në tentativë në Deçan.

Rasti ka ndodhur të enjten, në ora 05:15.

“Lidhur me rastin e lartcekur janë arrestuar tre të dyshuar meshkuj kosovarë pasi që kishin tentuar ta ndalojnë veturën e ankuesit mashkull kosovar dhe njëri nga të dyshuarit kishte shtënë me armë zjarri në drejtim të ankuesit”, thuhet në raport.

Pistoleta që dyshohet se është përdorur në rast është sekuestruar.

Me vendim të prokurorit, dy të dyshuar janë dërguar në mbajtje, ndërsa njëri është liruar në procedurë të rregullt. /Telegrafi/