Ministri i Shëndetësisë, Arben Vitia, ka bërë të ditur se Kosova ka përfituar një grant shtesë prej 6.8 milionë dollarësh nga Banka Botërore përmes projektit KOMPAS.

Vitia, së bashku me ministrin e Financave, Hekuran Murati, ka pritur përfaqësuesen e Bankës Botërore, Carole Megevand, me rastin e nënshkrimit të marrëveshjes për financimin shtesë.

Sipas Vitisë, granti do të mbështesë digjitalizimin e shëndetësisë, forcimin e kapaciteteve të shëndetit publik dhe modernizimin e shërbimeve shëndetësore.

Burimi: RTKLive