Tekniku 45-vjeçar ishte emëruar në krye të skuadrës në mënyrë të përhershme, pas paraqitjeve mbresëlënëse gjatë periudhës si trajner i përkohshëm, kur arriti ta udhëhiqte Unitedin drejt vendit të tretë në Premierligë.

Megjithatë, situata aktuale është krejtësisht ndryshe. Manchester Unitedi renditet në pozitën e 18-të, në zonën e rënies nga liga, me vetëm tetë pikë të grumbulluara në 10 ndeshjet e para të kampionatit. Kjo është nisja më e dobët e klubit në ligë në 40 vjetët e fundit.

Sipas “The Athletic”, drejtuesit e klubit kanë vendosur ta shkarkojnë Carrickun para udhëtimit në “Anfield”, ku më 22 nëntor Unitedi do të përballet me Liverpoolin.

Ndërkohë, drejtuesit e klubit kanë nisur punën për gjetjen e pasuesit të tij. Përzgjedhësi i Shteteve të Bashkuara të Amerikës, Mauricio Pochettino, raportohet se vlerësohet shumë nga drejtuesit e “Djajve të Kuq”.

Në listën e kandidatëve të mundshëm pritet të jenë edhe Eddie Howe dhe Julian Nagelsmann.

Megjithatë, vendimi përfundimtar për të ardhmen e Carrickut duhet të marrë miratimin e bashkëpronarit Sir Jim Ratcliffe dhe familjes Glazer, që zotëron shumicën e aksioneve të klubit.

Burimi: RTKLive