Arlinda Morina dhe Antoneta Koci kanë pasur një diskutim për dashurinë brenda shtëpisë së Big Brother VIP Kosova.

Ishte regjisorja ajo që bëri një deklaratë të papritur, duke treguar se gjatë gjithë jetës së saj ka qenë e dashuruar.

“Tërë jetën kam qenë e dashuruar, marrëzisht, gjithmonë krejt jetën kam vuajtur për dashurinë… jam e plagosur”, tha Arlinda, megjithatë e ktheu shpejt deklaratën e saj duke e mohuar.

“Jo moj jo, mire jam rehat, por s’është që s’kam dashtë, osht normal me dashtë, bile jam loverk”, shtoi Arlinda.

Kujtojmë se Arlinda Morina dhe Antoneta Koci janë dy nga tre banorët e parë që kanë hyrë në shtëpinë e Big Brother VIP Kosova, një natë para nisjes zyrtare të spektaklit.

Ato iu bashkuan reperit Nichi, ndërsa hyrja e tyre e hershme ishte një surprizë për publikun, i cili tashmë po ndjek nga afër njohjen e banorëve me njëri-tjetrin dhe bisedat e para brenda shtëpisë.

Ndërkohë, me nisjen e prime-it të parë, pritet që shtëpisë t’i bashkohen edhe konkurrentët e tjerë të këtij edicioni, duke sjellë dinamika dhe diskutime të reja në lojë.