Një person është arrestuar në Fushë Kosovë, pasi dyshohet se ka shpërfillur urdhrin mbrojtës të lëshuar nga gjykata, duke shkuar në vendin e punës së viktimës.

Sipas raportit të Policisë së Kosovës, rasti ka ndodhur më 26 tetor 2026, rreth orës 10:00.

I dyshuari, mashkull kosovar, dyshohet se ka shkuar në vendin e punës së një gruaje, e cila kishte urdhër mbrojtës të lëshuar nga gjykata.

Pas ndërmarrjes së veprimeve policore, i dyshuari është arrestuar për rastin e cilësuar si “Mospërfillje e gjykatës dhe ngacmim”.

Me vendim të prokurorit, ai është dërguar në mbajtje.

Policia nuk ka dhënë detaje të tjera lidhur me rastin, ndërsa procedurat do të vazhdojnë në koordinim me organet kompetente. /Telegrafi/