Ylli portugez ka shkëlqyer në pjesën e dytë, duke shënuar në minutat gjashtëdhjetë e gjashtë’, shtatëdhjetë e dy dhe tetëdhjetë e një, për ta ndihmuar skuadrën e tij të sigurojë fitoren.

Ronaldo fillimisht e ka kaluar Al Nassr në epërsi me golin e tretë të skuadrës, ndërsa gjashtë minuta më vonë e ka shënuar edhe golin e katërt. Tregolëshin e ka kompletuar në minutën e tetëdhjetë e një, kur e ka çuar rezultatin në 5:2.

Al Kholood ka shënuar edhe një gol në minutat shtesë, por kjo nuk e ka ndryshuar fituesin e ndeshjes.

Me këta tre gola, Ronaldo e ka çuar në 985 numrin e golave të shënuar gjatë karrierës së tij, duke iu afruar gjithnjë e më shumë objektivit historik prej 1000 golash.

Portugezit i nevojiten edhe pesëmbëdhjetë gola për ta arritur këtë shifër, një prej synimeve më të mëdha të karrierës së tij.

Në fitoren e Al Nassr kanë kontribuar edhe Angelo, i cili ka shënuar në minutën e njëzet e katërt, dhe Sadio Mane, që ka realizuar në minutën e tridhjetë e tetë. Të dy golat janë asistuar nga Joao Felix, i cili ka dhënë edhe asistimin për golin e parë të Ronaldos.

Burimi: RTKLive