Deputeti i Lëvizjes Vetëvendosje, Arbër Rexhaj, ka kërkuar në Kuvendin e Kosovës zbardhjen e rastit të Astrit Deharit, duke thënë se Prokuroria ka përgjegjësinë për të hetuar rrethanat e arrestimit, vdekjes dhe veprimet e kryera pas vdekjes së tij.

Rexhaj ka thënë se, pavarësisht vonesës, ende nuk është aq vonë për të hetuar rastin dhe për të vendosur drejtësi.

“Askush tjetër, veç prokurorisë nuk e ka për detyrë ta zbardhë këtë rast. Presim të veprojnë, edhe pse vonë, nuk është aq vonë për të hetuar veprimet që çuan te burgosja, vrasja dhe veprimet pas vrasjes”, ka theksuar ai.

Ai e ka përshkruar Deharin si student të mjekësisë, aktivist të Lëvizjes Vetëvendosje dhe shok të tyre.

“Padrejtësia që i bëhet dikujt na ngarkon të gjithëve me përgjegjësi”, ka thënë Rexhaj, duke shtuar se drejtësia është ajo që i detyrohen familjes së Deharit dhe vajzës së tij, Arsës, prej dhjetë vitesh.

Burimi: Dukagjini