Aventura e edicionit të pestë të Big Brother VIP Kosova ka nisur me hyrjet e para në shtëpinë më të famshme në Kosovë.

Pas hyrjes së banores së parë, Arlinda Morina, në shtëpi ka hyrë edhe banori i dytë, reperi Nichi.

Hyrja e tij shënon një tjetër moment të rëndësishëm në nisjen e këtij edicioni, ndërsa publiku tashmë po pret të zbulojë se cilët do të jenë personazhet e tjerë që do t’i bashkohen garës.

Foto: Screenshot/Instagram

Me hyrjen e Arlindës dhe Nichit, ka nisur zyrtarisht aventura e tyre brenda shtëpisë së Big Brother VIP Kosova 5, ku ditët në vazhdim pritet të sjellin dinamika, surpriza dhe përballje të reja.

Kjo nuk ka ndodhur në asnjë Big Brother dhe se është një ditë përpara nisjes zyrtare.

Big Brother zyrtarisht fillon të premten, 30 tetor nën drejtimin e Alaudin Hamitit.

Në rolin e opinionistëve këtë vit do të jenë: Rudina Dembacaj dhe Resul Sinani. /Telegrafi/