Komuna e Rahovecit ka mbajtur konsultim publik për propozimin e logos së re të komunës, i cili është hartuar nga kompania fituese e konkursit ndërkombëtar, “2B Studio” nga Prishtina.

Gjatë këtij konsultimi, profesori Refki Gallopeni ka prezantuar konceptin e logos së re, elementet përbërëse dhe simbolikën e saj, duke shpjeguar idenë dhe përmbajtjen e propozimit.

Të pranishmit kanë pasur mundësinë të japin mendimet, komentet dhe sugjerimet e tyre lidhur me logon e propozuar.

Komuna e Rahovecit ka falënderuar të gjithë pjesëmarrësit për kontributin dhe angazhimin në këtë proces të rëndësishëm për komunën. /Telegrafi/