Pas mbledhjes së Kryesisë së Kuvendit, janë bërë të ditur edhe emrat e përfaqësuesve të partive politike që do të jenë pjesë e këtij grupi.

Lëvizja Vetëvendosje do të përfaqësohet nga deputeti Adnan Rrustemi, Partia Demokratike e Kosovës (PDK) nga deputeti Uran Ismaili, Lidhja Demokratike e Kosovës (LDK) nga deputeti Kujtim Shala, ndërsa Aleanca për Ardhmërinë e Kosovës (AAK) nga deputeti Bekë Berisha.

Ndërkaq, në mbledhjen e sotme, Kryesia e Kuvendit ka vendosur që institucioni ligjvënës të përfaqësohet në këtë grup nga nënkryetarja e Kuvendit, Vlora Çitaku.

Paraprakisht, Qeveria ka bërë të ditur se kryetar i Grupit Punues do të jetë zëvendëskryeministri i parë, Glauk Konjufca.

Deri më tani, nuk është bërë e ditur se kush do ta përfaqësojë Presidencën e Kosovës në këtë grup.

Grupi Punues pritet të angazhohet në hartimin dhe harmonizimin e një strategjie shtetërore lidhur me procedurat e Apelit pranë Dhomave të Specializuara të Kosovës në Hagë.

Burimi: RTKLive