Një incident i rëndë është raportuar në orët e para të së hënës në fshatin Magure të Lipjanit, ku tre persona të maskuar dyshohet se kanë kërcënuar me armë zjarri një punëtor të sigurimit privat.

Sipas policisë, ankuesi,që punon si sigurim në një kompani private, ka njoftuar Policinë se në objektin ku ishte në detyrë kishte vërejtur tre persona me maska dhe dorëza, transmeton Klankosova.tv.

Sipas raportimit, njëri nga personat kishte në dorë një pistoletë, të cilën ia kishte drejtuar punëtorit të sigurimit, duke i kërkuar të largohej nga vendi i ngjarjes.

Pas njoftimit, njësitë policore kanë dalë në vendin e ngjarjes. Në konsultim me prokurorin kompetent, është iniciuar rasti.