Liverpooli po përshtatet me një epokë të re pa yllin egjiptian, i cili u largua nga “Anfield” gjatë verës dhe iu bashkua Trabzonsporit në Turqi si lojtar i lirë.

Pavarësisht ndryshimeve në skuadër, ‘Të kuqtë’ kanë pësuar vetëm një humbje në të gjitha garat këtë sezon, teksa trajneri Andoni Iraola po përpiqet të ndërtojë një ekip që mund ta ruajë nivelin e lartë të viteve të fundit.

Për ta përforcuar repartin ofensiv, Liverpooli investoi 105 milionë funte për transferimin e Bradley Barcolas nga Paris Saint-Germaini.

Kjo erdhi pas marrëveshjeve që kaluan shifrën e 100 milionë funteve për Alexander Isakun dhe Florian Wirtzin në vitin 2025, gjatë drejtimit të ish-trajnerit Arne Slot.

Të tre futbollistët po fillojnë të përshtaten gjithnjë e më mirë me skuadrën, ndërsa Van Dijk pret që ata ta dëshmojnë cilësinë e tyre në mënyrë të vazhdueshme.

“Nuk mendoj se dikush mund ta përsërisë atë që Mo bëri për shumë vite. E njëjta vlen edhe për Firminon dhe Manen”, deklaroi kapiteni i Liverpoolit.

“Shpresoj që kjo të ndodhë sërish dhe për këtë po punojmë të gjithë. Në një moment, klubi duhet të ecë përpara dhe tani u takon këtyre lojtarëve të dëshmojnë se mund të paraqiten në nivel të lartë çdo tri apo katër ditë”, shtoi ai.

Van Dijk theksoi se cilësia e përforcimeve të reja është e dukshme, por sfida kryesore mbetet ruajtja e formës dhe e nivelit të paraqitjeve gjatë gjithë sezonit.

“Ne të gjithë mund ta shohim cilësinë e tyre, por e rëndësishme është që ta tregojnë atë në mënyrë të vazhdueshme”, përfundoi mbrojtësi holandez.

Largimi i Salahut shënon fundin e një kapitulli të rëndësishëm për Liverpoolin. Tashmë, Barcola, Isak dhe Wirtz pritet të kenë rol kyç në përpjekjet e klubit për të ruajtur ambiciet në garat vendore dhe evropiane.

Burimi: RTKLive