Ministrja e Drejtësisë, Donika Gërvalla, të cilës po i kërkohet dorëheqja nga kjo pozitë, nuk ka dhënë asnjë sinjal deri më tash.

Derisa protestuesit kanë vendosur të qëndrojnë gjithë natën para objektit të qeverisë, ku ndër të tjera duan që Gërvalla ose të largohet vetë ose të shkarkohet, kjo e fundit nuk ka pasur akoma reagim.

Megjithatë, ministrja është lajmëruar në Facebook, me një postim lidhur me çështjen e transferimit të personave të dënuar.

 “Çështja e transferimit të personave të dënuar është shumëdimensionale dhe prandaj rregullohet përmes marrëveshjes mes dy shteteve tona, gjë që e përmbyll pakon e bashkëpunimit juridik ndërkombëtar me këtë shtet mik të Kosovës.”.