AC Milan ka njoftuar se Christian Pulisic ka nënshkruar një kontratë të re me klubin, duke e mbajtur atë në San Siro deri në qershor 2031.

Ylli amerikan iu bashkua kuqezinjve nga Chelsea në korrik 2023 dhe që atëherë është bërë një pjesë e rëndësishme e ekipit.

Ai ka shënuar 44 gola dhe ka dhënë kontribute të vazhdueshme në sulm në 141 paraqitje për skuadrën italiane duke bërë që Rossonerët t’ia vazhdojnë kontratën.

“AC Milan ka kënaqësinë të njoftojë se Christian Pulisic ka zgjatur kontratën e tij me klubin deri më 30 qershor 2031”, thuhet në njoftimin e Rossonerëve.

Milani theksoi gjithashtu aftësinë teknike, profesionalizmin, qëndrueshmërinë dhe etikën e punës së Pulisic si arsyet kryesore pas vendimit për të zgjatur kontratën e tij.

28-vjeçari ka shënuar dy gola dhe ka dhënë një asistim në tetë paraqitje këtë sezon. /Telegrafi/