Një sinjalizues i është drejtuar Gazetës Sinjali për të raportuar se banorët në rrugën “Ramadan Thaqi”, në lagjen Arbana të Prizrenit, kanë mbetur të bllokuar për më shumë se dy orë.
Sipas tij, pavarësisht pritjes së gjatë, deri më tani nuk kanë marrë përgjigje nga asnjë institucion shtetëror.
“Ka më shumë se dy orë që jemi të ngujuar dhe asnjë institucion shtetëror nuk po na përgjigjet”, ka thënë sinjalizuesi për Sinjalin.
Deri në momentin e publikimit të këtij lajmi, nuk dihen arsyet e bllokimit dhe nëse institucionet përgjegjëse kanë ndërmarrë ndonjë veprim për zgjidhjen e situatës.
Sinjali – aty ku e vërteta flet para lajmit!
Burimi: Sinjali
