Mbrëmë rreth orës 18:00, Drejtoria Rajonale e Policisë në Prizren, në bashkëpunim me Prokurorinë Themelore të këtij qyteti, ka zhvilluar një aksion në tri qytete të vendit – Prizren, Suharekë dhe Dragash.

Aksioni kishte të bënte me veprimtarinë ilegale të bixhozit.

Gazetarja e Klan Kosova, Besa Hoda, ka mësuare se në këtë aksion janë bastisur rreth 20 lokacione në tri qytetet e sipërpërmendura, ndërsa janë arrestuar edhe mbi 20 persona.

Policia i ka thënë gazetares Hoda se hetimi për këtë aksion ka nisur para një kohe dhe se janë përdorur masa të veçanta hetimore.

“Sot veç është përmbyllja e hetimeve dhe numri më i madh i vendeve të bastisura është në Suharekë”, ka thënë policia. /Klankosova.tv