Marina franceze kap një gjysmë-nëndetëse me kokainë në Oqeanin Atlantik

Marina franceze kap një gjysmë-nëndetëse me kokainë në Oqeanin Atlantik

Marina franceze kap një gjysmë-nëndetëse me kokainë në Oqeanin Atlantik

Marina franceze ka ndaluar të enjten, më 12 nëntor 2026, një mjet lundrues pa shtetësi, të tipit gjysmë-nëndetëse, që transportonte të paktën 146 kilogramë kokainë në Oqeanin Atlantik. Kjo ishte hera e parë që Marina franceze realizon një operacion të tillë.

Sponsor 3M Express

Pamjet e publikuara tregojnë momentin kur pjesëtarët e forcave franceze i afrohen mjetit lundrues, hipin në të dhe kontrollojnë pjesën e brendshme. Më pas, ata transferojnë drogën e sekuestruar në një anije tjetër.

Operacioni u realizua nga një fregatë franceze, me mbështetjen e helikopterit të saj dhe të një avioni amerikan për patrullim detar, transmeton Telegrafi.

Sipas Marinës franceze, ndalimi u krye në bazë të nenit 110 të Konventës së Kombeve të Bashkuara për të Drejtën e Detit, i cili, në kushte të caktuara, lejon kontrollimin dhe hipjen në anije që dyshohet se nuk kanë shtetësi.

Sekuestrimi i kokainës u realizua në përputhje me një konventë të OKB-së të vitit 1988 kundër trafikut të paligjshëm të narkotikëve, si dhe me legjislacionin francez.

– YouTube www.youtube.com

Mjetet lundruese të tipit gjysmë-nëndetëse lëvizin kryesisht nën nivelin e ujit dhe mund të përdoren për transportin e ngarkesave, përfshirë lëndë narkotike. /Telegrafi/

Lexo edhe

Grabitje e armatosur në Gjakovë: Të shtëna me armë zjarri në një lokal, plagoset një person

Grabitje e armatosur në Gjakovë: Të shtëna me armë zjarri në një lokal, plagoset një person

Mosha mesatare e blerësve të Bugatti-t ka rënë në 42 vjeç – një klient zotëron 14 vetura të markës

Mosha mesatare e blerësve të Bugatti-t ka rënë në 42 vjeç – një klient zotëron 14 vetura të markës

“Kurti është mashtrues”, Berisha: Do të ketë shpërthim të skandaleve (VIDEO)

“Kurti është mashtrues”, Berisha: Do të ketë shpërthim të skandaleve (VIDEO)