Ndeshja e zhvilluar në stadiumin “Etihad” ka dhuruar emocione deri në fund, me të dyja skuadrat që kanë kaluar nga dy herë në epërsi dhe kanë kërkuar fitoren deri në minutat e fundit.

Brighton e ka zhbllokuar rezultatin në minutën e tridhjetë, kur Malick Yalcouyé ka shënuar pas asistimit të Georginio Rutter.

Manchester City është kundërpërgjigjur në minutën e dyzet. Phil Foden e ka asistuar Mateo Kovacic, i cili me një goditje të fortë e ka dërguar topin në rrjetë për rezultatin 1:1.

Skuadra mysafire e ka nisur pjesën e dytë me gol. Në minutën e dyzet e shtatë, Georginio Rutter ka shënuar për 2:1, pas asistimit të Jaouen Hadjami.

City ka vazhduar të kërkojë barazimin dhe e ka arritur atë në minutën e shtatëdhjetë e dytë. Vitor Reis ka shënuar pas asistimit të Rayan Cherki, duke e rikthyer baraspeshën në 2:2.

Brightoni ka qenë pranë fitores në minutat e fundit, por goditja e Mats Wieffer në minutën e tetëdhjetë e tetë është ndalur nga traversa. Rezultati nuk ka ndryshuar deri në përfundim të kohës së rregullt, ndaj fituesi është vendosur nga pika e bardhë.

Në serinë e penalltive, Manchester City ka triumfuar 4:3. Portieri Geronimo Rulli ka qenë vendimtar, duke pritur dy goditje të Brighton, përfshirë penalltinë e kapitenit Lewis Dunk, e cila ia ka siguruar skuadrës vendase kualifikimin.

Burimi: RTKLive