Në Gjykatën Themelore në Prishtinë, gjatë shqyrtimit të rastit të trafikimit të dyshuar me njerëz, që lidhet me sjelljen e vajzave nga Amerika Latine në Kosovë, është vendosur mbyllja e seancës për publikun.
Ajo që ka tërhequr vëmendjen është fakti se kërkesa për mbylljen e seancës dhe fshirjen e videove është ngritur nga avokatja rreth një orë pas fillimit të shqyrtimit gjyqësor, raporton Gazeta Sinjali.
Rasti lidhet me aktakuzën e Prokurorisë Speciale ndaj Fabiana Anais Cobos Vega dhe të akuzuarve të tjerë për krim të organizuar dhe trafikim me njerëz.
Sipas aktakuzës, të pandehurit dyshohet se kishin organizuar rekrutimin, transportimin dhe strehimin e personave nga Amerika Latine dhe vende të tjera drejt Kosovës.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
Burimi: Sinjali
