Kuvendi i Kosovës do të mbajë sot seancë të jashtëzakonshme plenare, ku do të diskutohet për vrasjen e fundit në Vitomiricë të Pejës dhe rastet e tjera të vrasjes së grave në Kosovë.
Sipas njoftimit të Drejtorisë për Media dhe Marrëdhënie me Publikun, seanca do të nisë në orën 16:00, në sallën e Kuvendit.
Në rend dite do të jetë trajtimi i rasteve të vrasjes së grave, dhunës në familje ndaj grave dhe fëmijëve, përgjegjësisë institucionale, parandalimit të dhunës në baza gjinore dhe mbrojtjes së jetës së grave.
Seanca vjen pas vrasjes së Arlinda Zekajt në Vitomiricë të Pejës, rast që ka nxitur reagime të shumta publike dhe thirrje për hetim të plotë të rastit, si dhe për shqyrtimin e përgjegjësisë së institucioneve në mbrojtjen e viktimave të dhunës.
Burimi: Sinjali
