Hoxhë Ernes Goga ka reaguar pas rastit tragjik të vrasjes së një gruaje në Pejë, duke kërkuar masa më të ashpra ligjore ndaj personave që kryejnë krime të tilla.
Përmes një reagimi, Goga ka shprehur indinjatën e tij për vrasjet e grave, duke ngritur pikëpyetje mbi ashpërsinë e dënimeve dhe lirimin e personave të dënuar pas disa vitesh.
“Sa gra duhet të vriten ende që ligjet të bëhen më të rrepta?”, ka shkruar ai, duke kërkuar që të dyshuarit për krime të tilla të ndiqen penalisht dhe të marrin dënimet e merituara.
Në reagimin e tij, hoxha ka përdorur gjuhë të ashpër ndaj personave me prirje kriminale, duke kërkuar që drejtësia të mos i trajtojë këto raste sikur të mos ketë ndodhur asgjë.
Reagimi vjen pas vrasjes së rëndë të një gruaje në Pejë, rast që ka nxitur reagime dhe thirrje për mbrojtje më të madhe të grave dhe ndëshkim më të rreptë të dhunës.
Sinjali – aty ku e vërteta flet para lajmit!
Burimi: Sinjali
