Një seancë e Parlamentit të Armenisë u shndërrua në përleshje fizike të enjten, ku deputetët shkëmbyen grushte, hodhën karrige dhe përmbysën tavolina. Disa ligjvënës mbetën të lënduar, ndërsa ndërhyrja e forcave të sigurisë u bë e domosdoshme për të qetësuar situatën.
Përplasja ndodhi mes deputetëve të partisë në pushtet, “Kontrata Civile”, të kryeministrit Nikol Pashinyan, dhe opozitës “Armenia e Fortë”, gjatë debatit për një emërim në Dhomën e Auditimit, institucion që mbikëqyr shpenzimet publike, shkruan abcnews.al.
Tensionet nisën pas akuzave për korrupsion dhe komenteve personale ndaj familjes së një përfaqësuesi të opozitës. Debati u përshkallëzua shpejt në dhunë, ndërsa disa deputetë u panë duke goditur dhe shtyrë njëri-tjetrin. Për shkak të lëndimeve, në Parlament u thirr edhe një autoambulancë.
Sinjali – aty ku e vërteta flet para lajmit!
Burimi: Sinjali
