Kane zbulon futbollistin që e sheh si fitues të Topit të Artë në vitin 2027

Kane zbulon futbollistin që e sheh si fitues të Topit të Artë në vitin 2027

Kane zbulon futbollistin që e sheh si fitues të Topit të Artë në vitin 2027

Harry Kane vazhdon të shijojë suksesin e fitimit të Topit të Artë, ndërsa nuk e fsheh krenarinë për këtë çmim prestigjioz individual. Sulmuesi anglez ka zbuluar edhe emrin e futbollistit që, sipas tij, ka potencialin për ta fituar këtë trofe në edicionin e vitit 2027.

Sponsor 3M Express

Për yllin e Bayern Munichut, pasuesi i mundshëm është pikërisht bashkëlojtari i tij, Michael Olise, për të cilin ka vlerësime të larta.

‘Michael është një futbollist fantastik-tha Kane për Foot Mercato-ne i shohim cilësitë e tij dhe atë që është i aftë të bëjë, çdo ditë në stërvitje. Padyshim që ka gjithçka që i duhet për t’i sjellë Bayernit të Mynihut një tjetër Top të Artë. Jam shumë krenar që e fitova Topin e Artë dhe që e mora në dorëzim trofeun në qytetin tim të lindjes dhe kështu ky moment ishte akoma më special’.

Kane ka thënë se fitimi i këtij çmimi dhe përfshirja e emrit të tij në mesin e legjendave të futbollit që e kanë fituar atë, përbëjnë një arsye të veçantë krenarie.

‘Të shoh emrin tim përkrah lojtarëve si Ronaldo që ma dorëzoi trofeun atë natë, Cristiano Ronaldo, Messi e Mueller është një krenari e madhe-shtoi Kane-kur e ngrita trofeun para tifozëve që më prisnin në rrugë pas ceremonisë, kuptova se po jetoja një moment magjik që nuk do ta harroj kurrë’.

Megjithatë, sulmuesi anglez nuk e ka përjashtuar mundësinë që në të ardhmen ta fitojë edhe një tjetër Top të Artë. Ai ka përmendur gjithashtu trofetë që dëshiron t’i fitojë me Bayern Munichun dhe kombëtaren e Anglisë.

‘Do të më pëlqente të fitoja një tjetër Top të Artë, por e di që ka shumë lojtarë të tjerë të shkëlqyer që kanë mundësitë-shtoi Kane-ka shumë trofe që do të doja të fitoja, si Liga e Kampioneve me Bayernin dhe padyshim një titull me Anglinë’.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Ekskluzive | U refuzua në Vërmicë, provoi të hynte në Kosovë nga Qafa e Prushit – 25-vjeçari dyshohet se tentoi ta korruptonte policin me 20 euro

Ekskluzive | U refuzua në Vërmicë, provoi të hynte në Kosovë nga Qafa e Prushit – 25-vjeçari dyshohet se tentoi ta korruptonte policin me 20 euro

Sherri për një kredi përfundon me dhunë në Pejë – burri sulmon bashkëshorten, qytetarët e filmojnë ngjarjen

Sherri për një kredi përfundon me dhunë në Pejë – burri sulmon bashkëshorten, qytetarët e filmojnë ngjarjen

Sevdai Radogoshi – Qumili reagon për herë të parë pas vdekjes së motrës

Sevdai Radogoshi – Qumili reagon për herë të parë pas vdekjes së motrës