Një zjarr ka përfshirë një banesë në lagjen “Skënderbeg” në Lezhë, pasi pronari dyshohet se ka lënë një cigare të ndezur, duke shkaktuar flakët.
Ngjarja ka ndodhur të shtunën, rreth orës 16:30, ndërsa si pasojë e zjarrit janë shkaktuar dëme materiale në banesë.
Policia njofton se shërbimet e saj, në bashkëpunim me zjarrfikësit, kanë evakuuar banorët e pallatit për të parandaluar pasoja të mëtejshme.
Ndërkohë, disa banorë kanë shfaqur shenja asfiksimi për shkak të tymit dhe janë dërguar në Spitalin Rajonal të Lezhës, ku po marrin trajtim mjekësor. Sipas Policisë, ata ndodhen jashtë rrezikut për jetën, raporton TCH.
Pronari i banesës është shoqëruar në Komisariatin e Policisë në Lezhë, ndërsa grupi hetimor po vazhdon punën për të sqaruar plotësisht rrethanat e rastit.
Sinjali – aty ku e vërteta flet para lajmit!
Burimi: Sinjali
