Adaptimi i Odisesë nga Homeri, i krijuar me Al nga Grok Imagine, platforma e Elon Musk, po merr kritika të shumta.
Grok Imagine ka publikuar episodin e parë të këtij projekti, një video shtatëminutëshe e realizuar në bashkëpunim me Wonder Studios dhe regjisorin Dev Walker.
Megjithatë, reagimet e publikut kanë qenë kryesisht negative.
Përdoruesit në platformën X kanë kritikuar pamjet vizuale, rrëfimin dhe cilësinë e përgjithshme të videos, ndërsa disa e kanë cilësuar atë si shembull të përmbajtjes së dobët të prodhuar nga Al.
Pavarësisht ambicies së projektit, realizimi nuk ka arritur t’i bindë shikuesit skeptikë.
Ky rast nxjerr në pah dallimin mes asaj që mjetet e Al mund të prodhojnë teknikisht dhe asaj që publiku dëshiron të shohë. /Telegrafi/
