Real Madridi ka marrë një lajm të hidhur pak orë para përballjes së madhe ndaj Barcelonës, e vlefshme për xhiron e 10-të të La Ligës.

Portieri titullar, Thibaut Courtois, nuk do të jetë në dispozicion për derbin e sotëm për shkak të një gripi të papritur.

Gardiani belg ishte paraparë të niste ndeshjen nga minuta e parë, mirëpo problemet shëndetësore e kanë detyruar stafin teknik ta lërë jashtë planeve në çastet e fundit, transmeton Klankosova.tv.

Në mungesë të tij, vendin mes shtyllave pritet ta zërë Andriy Lunin. Ndërkohë, për të kompletuar listën e portierëve, klubi madrilen ka ftuar me urgjencë talentin e ri ukrainas, Ilya Voloshyn, i cili do t’i bashkohet skuadrës së parë për këtë duel.

Mungesa e Courtois përbën një goditje të ndjeshme për madrilenët, marrë parasysh peshën dhe sigurinë që ai ofron në ndeshje të këtij kalibri.

Deri më tani, Real Madridi nuk ka dhënë detaje të mëtejshme mbi kohëzgjatjen e rikuperimit të tij.

Përballja e zjarrtë mes Barcelonës dhe Real Madridit zhvillohet sonte me fillim nga ora 21:00 në “Camp Nou”.