MPB Maqedoni njofton se dje (28.10.2026), rreth orës 17:00, në fsh. Vrapçisht, në rrethinë të Gostivarit, nëpunës policorë të ekipit mobil „Task Force“ i privuan nga liria K.S. (40) nga Gostivari, N.B. (22) nga fsh. Vërbjan dhe S.M. (39) nga Gostivari.

“Gjatë kontrollit të një automjeti taksi me targa të Gostivarit, i drejtuar nga S.M. (39), në të cilin udhëtonin K.S. dhe N.B, me ç’rast te K.S. është gjetur dhe konfiskuar marihuanë, ndërsa te S.M. është gjetur dhe konfiskuar një send me mbetje kokaine”.

“Ata janë mbajtur në stacion policor dhe pas dokumentimit të plotë të rastit, ndaj tyre do të vijojë parashtresë përkatëse”, thonë nga MPB.