Ministrja e Drejtësisë, Donika Gërvalla, ka reaguar pas ngjarjes tragjike që ndodhi sot në fshatin Demiraj të Gjilanit, ku humbën jetën dy persona.

Përmes një reagimi në Facebook, Gërvalla ka shprehur shqetësimin për këtë ngjarje, duke theksuar rëndësinë e sigurisë dhe mbrojtjes brenda familjes.

“Familja duhet të jetë streha më e sigurt e njeriut, vendi ku mbizotërojnë dashuria, harmonia, kujdesi dhe mbrojtja”, ka deklaruar Gërvalla.

Ajo ka theksuar se çdo ngjarje që cenon këtë siguri kërkon vëmendje dhe reagim të menjëhershëm institucional.

Gërvalla ka kërkuar që rrethanat e rastit të hetohen plotësisht dhe pa vonesa, në mënyrë që të zbardhet e vërteta dhe institucionet përgjegjëse të ndërmarrin veprimet e nevojshme ligjore.

“Në këto momente, është e domosdoshme që rrethanat e këtij rasti të hetohen plotësisht dhe pa vonesa, në mënyrë që e vërteta të zbardhet”, ka thënë ajo.

Ministrja ka shprehur ngushëllimet për familjarët dhe të afërmit e viktimave.

Burimi: Dukagjini